५ जानेवारीला अकोल्यात चोरट्यांचा धुमाकूळ पाहायला मिळाला होता., कृष्णा नगर भागात असलेल्या एसबीआयच्या एटीएमला चोरट्यांनी लक्ष्य करून १६ लाखांवर रक्कम पळवून नेली. दरम्यान, चोरट्यांनी एटीएम फोडण्यासाठी गॅस कटर चा वापर केला असून सदरील चोरीच्या घटनेत पाच चोरटे होते. हे सर्व चोरटे बाहेरील राज्यातील आहेत. आता अकोला पोलिसांनी हा एटीएम फोडीचा गुन्हा उघडकीस आणलाय. सम्माधित चोरीच्या घटनेत सहभागी असलेल्या एकाला पोलिसांनी अटक केली असून उर्वरित चोरट्यांचा शोध सुरू आहे.
अकोला शहरातील कृष्णा नगरात स्टेट बँक ऑफ इंडियाचे एटीएम आहे. या एटीएममध्ये ४ जानेवारीला काही लाखांची रक्कम जमा करण्यात आली. त्यानंतर ५ जानेवारीच्या पहाटे ३ वाजता चोरट्यांनी एटीएमला लक्ष्य केले. अवघ्या सात मिनिटांत चोरट्यांनी एटीएम फोडले. अन् एटीएममध्ये असलेली १६ लाख ५३ हजार रुपये रोख लंपास केली. दरम्यान एटीएममधील चोरीचा प्रकार सीसीटीव्ही कॅमेरामध्ये कैद झाला. तेव्हा या एटीएम चोरीच्या घटनेत चार चोरट्यांचा समावेश असल्याचं समजलं. हे चोरटे चारचाकी वाहनाने गुरुवारी ३ वाजताच्या सुमारास कृष्णा नगरात आलेत. अन् त्यांनी या भागाची बारकाइने पाहणी केली, अन् ३ वाजून ११ मिनिटच्या सुमारास या एसबीआयच्या एटीएमला टार्गेट केलं. गॅस कटरच्या साहाय्याने एटीएम फोडले अन् एटीएममधून तब्बल १६ लाख ५३ हजार एवढी रक्कम चोरून लंपास केली
सदर प्रकरणात या परिसरातील सीसीटीव्ही कॅमेऱ्याची पाहणी केली असता चोरटे एका पांढऱ्या रंगाच्या वाहनात आल्याचे दिसले. वाहनाचा शोध घेतला असता या गुन्ह्याचा तपास लागला. ही कारवाई अकोला पोलिसांच्या स्थानिक गुन्हे शाखा आणि खदान पोलिस स्टेशनचे पोलीस निरीक्षक श्रीरंग सणस यांच्या मार्गदर्शनात स्पष्टीकरण केली.
No comments:
Post a Comment