💐💐💐💐💐💐💐💐💐💐💐💐💐💐💐
श्रीरामपूर - प्रतिनिधि - / वार्ता
तालुक्यातील मालुंजा बु॥ चे सरपंच अच्युतराव बडाख यांना महाराष्ट्र सरपंच सेवा संघाच्या वतीने सन २०२३ सालचा राज्यस्तरीय आदर्श सरपंच पुरस्कार माजी आ.डॉ.सुधीर तांबे व सेवा संघाचे अध्यक्ष बाबासाहेब पावसे यांच्या हस्ते नुकताच प्रदान करण्यात आला.
श्री.अच्युतराव बडाख यांनी सरपंचपदाचे कारकिर्दीत अनेक शासकीय योजना उत्कृष्टपणे राबविल्या आहे.
पंतप्रधान आवास घरकुल योजनेत ३० लाभार्थ्यांना जागा उपलब्ध करुन तालुक्यात आदर्श मॉडेल बनविले आहे. तसेच नळपाणी पुरवठा, पाण्याची टाकी, कृषि बंधारे, पेव्हिंग ब्लॉक व सिमेंट काँक्रीट रस्ते, भूमिगत गटार योजना, अंगणवाडी इमारती, तलाठी कार्यालय इमारत, ग्रामपंचायत कार्यालय इमारत, सौरदीप, महिलांसाठी मसाला मेकींग कोर्स, ३५ महिला बचत गट स्थापना आदी विकासात्मक योजना प्रभाविपणे राबविल्या. तसेच त्यांचे कार्यकाळात महात्मा गांधी तंटामुक्त गाव पुरस्कार, पर्यावरण समृद्धी ग्रामयोजना पुरस्कार, संत गाडगेबाबा स्वच्छता पुरस्कार, निर्मल ग्राम पुरस्कार, आरोग्य विभाग पुरस्कारही गावास मिळालेले आहे. तसेच श्री.बडाख यांना जिल्हा परिषदेचा आदर्श शेतकरी पुरस्कार मिळालेले असून त्यांचा सामाजिक व धार्मिक कार्यात मोठा सहभाग आहे. जनतेचे प्रश्न सोडविण्यासाठी रास्तारोको, उपोषण, घेराओ आंदोलने करुन जनतेचे प्रश्न सोडविले आहे. या सोहळ्यास उपसरपंच रावसाहेब शेंडगे, तंटामुक्तीचे अध्यक्ष बाबुराव बडाख, सोसायटीचे माजी चेअरमन हरिभाऊ बडाख, संजय बडाख, वसंतराव कलंके आदी उपस्थितीत होते.
श्री.अच्युतराव बडाख यांचे अशोक कारखान्याचे चेअरमन माजी आ.भानुदास मुरकुटे, व्हा.चेअरमन पुंजाहरी शिंदे, युवक नेते सिद्धार्थ मुरकुटे, संचालिका सौ.मंजुश्रीताई मुरकुटे, लोकसेवा विकास आघाडीचे अध्यक्ष हिम्मतराव धुमाळ, शहर अध्यक्ष नाना पाटील आदींनी अभिनंदन केले आहे.
=================================
-----------------------------------------------
*पत्रकार इम्रान एस.शेख - श्रीरामपूर*
*सहयोगी* स्वाभिमानी संपादक सेवा संघ
*संकलन*♥️✅🇮🇳
समता न्यूज नेटवर्क,श्रीरामपूर - *9561174111*
-----------------------------------------------
=================================
No comments:
Post a Comment