अलमीजान मध्ये कॉपी मुक्त अभियानकॉपी न करण्याची विद्यार्थ्यांना शपथ

- श्रीरामपूर - प्रतिनिधी -/ वार्ता -

येथील अलमिजान एज्युकेशन अँड वेल्फेअर सोसायटी संचलित हजरत मौलाना मख्दूम हुसेन साहब उर्दू हायस्कूल व मख्दूमिया कॉलेज ऑफ सायन्स येथे, शासनाच्या शंभर दिवस कृती आराखडा कार्यक्रमांतर्गत पुढील महिन्यात सुरु होणाऱ्या माध्यमिक व उच्च माध्यमिक शालेय परिक्षेसाठी कॉपीमुक्त अभियान अंतर्गत विद्यार्थ्यांना परिक्षेत कापी न करण्याची शपथ देण्यात आली.

यावेळी विद्यार्थ्यांनी कोणत्याही परिक्षेत कॉपी करू नये व कॉपी करून मिळविलेले यश टिकत नाही तसेच कॉपी केल्याने कोण कोणती शिक्षा होऊ शकते व विद्यार्थ्याचे जीवन कसे उद्ध्वस्त होऊ शकते याची माहिती मुख्याध्यापिका व प्राचार्य सय्यद आरिफा मॅडम यांनी विद्यार्थ्यांना दिली. विद्यार्थ्यांनी पूर्ण तयारी करून अभ्यास करून तणाव मुक्त वातावरणात परिक्षा द्यावी. कॉपीमुक्त जनजागृती अभियान हे २० जानेवारी ते २६ जानेवारी पर्यंत चालणार असून यामुळे विद्यार्थी व पालकात जनजागृती निर्माण होईल तसेच होणाऱ्या बोर्डाच्या परिक्षेत परिक्षेच्या कारभाराच्या भयमुक्त व कॉपीमुक्त वातावरणात परिक्षेत होणारे गैरप्रकार रोखण्यास मदत होईल. शासनाच्या या नवीन निर्णयाची अंमलबजावणी अलमिजान संस्थेच्या वतीने करण्यात आली व शासनाच्या या उपक्रमाचे स्वागत करण्यात आले. यावेळी मुख्याध्यापिका आरिफ सय्यद, नसिमा सय्यद ,आरिफ शेख, रफिक शेख, इब्राहिम बागवान , फैजिन मुस्ताक, नदीम शेख ,शहानवाज गुलाम व सर्व शिक्षक शिक्षिका, शिक्षकेतर कर्मचारी, विद्यार्थी आदी उपस्थित होते.

=================================

-----------------------------------------------

*वृत्त विशेष सहयोग*✍️✅🇮🇳...

इकबाल काकर (सर) श्रीरामपूर 

-----------------------------------------------

=================================

=================================

-----------------------------------------------

*वृत्त प्रसिद्धी सहयोग*💐✅🇮🇳...

समता मीडिया सर्व्हिसेस

श्रीरामपूर - 9561174111

-----------------------------------------------

=================================