बेलापूर महाविद्यालयात निर्भय कन्या कार्यशाळा संपन्न

- श्रीरामपूर - प्रतिनिधी -/ वार्ता -

श्रीरामपूर तालुक्यातील बेलापूर येथील बेलापूर एज्युकेशन सोसायटीचे कला व वाणिज्य महाविद्यालय आणि सावित्रीबाई फुले पुणे विद्यापीठ, विद्यार्थी विकास मंडळ यांच्या संयुक्त विद्यमाने निर्भय कन्या कार्यशाळेचे नुकतेच आयोजन करण्यात आले होते. 

कार्यक्रमाच्या अध्यक्षस्थानी प्राचार्य डॉ. गुंफा कोकाटे या होत्या. यावेळी प्रथम सत्रात वैद्यकीय अधिकारी डॉ. सोनल दराडे यांनी "स्त्रियांचे शारीरिक मानसिक स्वास्थ्य याबाबत बोलताना  त्या म्हणाल्या की, स्त्रियांचे मानसिक आरोग्य उत्तम राखण्यासाठी आहार , व्यायाम व दिनचर्याला महत्त्व दिल्यास कुठल्याही समस्या शक्यतो उद्भवत नाही. यानंतर प्रा. डॉ. मनोज तेलोरे यांनी द्वितीय सत्रात "स्त्रियांची प्रेरणास्थाने"या विषयावर व्याख्यान झाले, त्यांनी त्यात महात्मा फुले , सावित्रीबाई फुले, गोपाळ गणेश आगरकर, न्यायमूर्ती रानडे ,रमाबाई रानडे, ताराबाई शिंदे, डॉ . बाबासाहेब आंबेडकर, महात्मा गांधी, पद्मश्री रहीबाई पोपेरे अशा आदर्श स्त्री पुरुषांची प्रेरणास्थाने विशद केली.

तर तृतीय सत्रात अकबर शेख, ब्लॅक बेल्ट प्रशिक्षक यांनी" स्त्रियांचे स्वसंरक्षण आणि प्रशिक्षण" यावर कराटेचे प्रात्यक्षिके घेतली त्यात विशेषता लाठीकाठी , तलवारबाजी, आत्मसंरक्षण, तायक्वांदो, बॉक्सिंग , स्वसंरक्षणार्थ मार्शल आर्ट यांचा समावेश होता. 

यावेळी कार्यक्रमाची अध्यक्षीय सूचना प्रा.रूपाली उंडे यांनी मांडली प्रा. चंद्रकांत कोतकर यांनी अनुमोदन दिले प्रमुख पाहुण्यांचा परिचय व निर्भय कन्या कार्यशाळेचे प्रास्ताविक विकास अधिकारी डॉ. संजय नवाळे यांनी केले. कार्यक्रमाचे सूत्रसंचालन डॉ. किशोर गटकळ आणि डॉ. बाबासाहेब पवार यांनी केले तर आभार अमृता गायकवाड यांनी मांडले. यावेळी महाविद्यालयातील विद्यार्थिनी मोठ्या संख्येने सहभाग नोंदविला. कार्यक्रमास प्रा. प्रकाश देशपांडे डॉ.विनायक काळे प्रा. विलास गायकवाड, डॉ. अशोक माने, प्रा. सतीश पावसे, डॉ. बाळासाहेब बाचकर डॉ. विठ्ठल सदाफुले, प्रा.सुनील विधाते, डॉ. विठ्ठल लंगोटे प्रा.स्वाती कोळेकर प्रा.ओंकार मुळे, प्रा. सुनिता पठारे प्रा.गोरखनाथ साळवे त्याचबरोबर कार्यक्रमाच्या यशस्वीतेसाठी संदेश शाहीर, आनिता चिंचकर, कृष्णा महाडिक, संदीप चौधरी, नानासाहेब तुवर, अनिल पवार,रामेश्वर पवार, अण्णा ओहोळ आदींनी परिश्रम घेतले.

=================================

-----------------------------------------------

*वृत्त प्रसिद्धी सहयोग*✍️✅🇮🇳...

समता मीडिया सर्व्हिसेस 

 श्रीरामपूर - 9561174111

-----------------------------------------------

=================================