मां जिजाऊ पुण्यतिथी निमित्त अहिल्यादेवी होळकर शाळेत मोफत वहया व पाटी वाटप

राजमाता जिजाऊ मां साहेबांनी छत्रपती शिवाजी महाराजांसारखा महान योद्धा आणि राष्ट्रनायक घडवला - शफकत सय्यद 

- श्रीरामपूर - प्रतिनिधी -/ वार्ता -

जिजाऊ माँसाहेब म्हणजे प्रेरणा, शिक्षण आणि संस्कारांची मूर्ती त्यांनी छत्रपती शिवाजी महाराजांसारखा महान योद्धा आणि राष्ट्रनायक घडवला. त्यांच्या स्मृतीनिमित्त विद्यार्थ्यांना शैक्षणिक साहित्य वाटप करणे ही खरोखरच स्तुत्य गोष्ट असल्याचे प्रतिपादन मुस्कान वेल्फेअर असोसिएशनचे अध्यक्ष शफकत सय्यद यांनी केले. 

नगर शहरातील सर्जेपुरा येथील मनपाची अहिल्यादेवी होळकर प्राथमिक शाळा क्रमांक ११ व शहीद अब्दुल हमीद उर्दू प्राथमिक शाळा क्रमांक १३ मध्ये राजमाता जिजाऊ यांच्या पुण्यतिथी निमित्त विद्यार्थ्यांना मख़दुम एज्युकेशन अँड वेल्फेअर सोसायटी व रहमत सुलतान फाउंडेशनच्या वतीने मोफत वहया व पाटी वाटप करण्यात आले. याप्रसंगी मुस्कान वेल्फेअर असोसिएशनचे अध्यक्ष शफकत सय्यद, जीवन फाऊंडेशनचे अध्यक्ष आरिफ सय्यद, राजाभैय्या, अन्नुभाई, शाळेचे जबीन इनामदार, समीना खान, भाऊसाहेब चिकने, शाईस्ता शेख आदी उपस्थित होते.

मुलांना वहया व पाटी मिळाल्याचा आनंद त्यांच्या चेहर्‍यावर दिसत होता.

या उपक्रमाला यशस्वी करण्यासाठी शफी हज उमरा टुर्स, राजकुमार गुरनानी, सुनील भंडारी, जीएसएम मोबाईल, मुबीन खान, डॉ. रेश्मा चेडे, युनूसभाई तांबटकर, सुनील तेलतुंबडे (रोझमॅन) आदी मंडळी पुढे सरसावले, त्यांचे मनापासून आभार मानावे तेवढे थोडेच आहेत.

आपल्या विद्यार्थ्यांच्या चेहऱ्यावर आज जी आनंदाची आणि समाधानाची झलक दिसते आहे, ती पाहून आपल्या सर्वांच्या कष्टाचे चीज झाले असे वाटते. शिक्षण हा समाज परिवर्तनाचा महत्त्वाचा पाया आहे आणि त्या दृष्टीने हे वह्या-पाटी वाटप म्हणजे फक्त वस्तूंचं वाटप नाही, तर उज्ज्वल भविष्यासाठी दिलेला आधार असल्याचे आरिफ सय्यद म्हणाले. 

कार्यक्रमाचे सूत्रसंचालन आबीद दुलेखान यांनी केले. तर आभार जबीन इनामदार यांनी मानले. 

=================================

-----------------------------------------------

*वृत्त विशेष सहयोग* ✍️✅🇮🇳...

ज्येष्ठ पत्रकार आबीद खान,अ.नगर

-----------------------------------------------

=================================

=================================

-----------------------------------------------

*वृत्त प्रसिद्धी सहयोग*

समता मीडिया सर्व्हिसेस 💐✅🇮🇳...

 श्रीरामपूर - 9561174111

-----------------------------------------------

=================================