संगमनेर कारखाना व आरटीओच्या संयुक्त विद्यमाने विशेष रस्ता सुरक्षा

रस्त्यावरील अपघात टाळण्यासाठी ऊस वाहतूक करणाऱ्या वाहनांना रिफ्लेक्टर

- संगमनेर - प्रतिनिधी -/ वार्ता -

गळीत हंगाम सुरक्षित आणि अपघात मुक्त पार पाडण्यासाठी उपप्रादेशिक परिवहन कार्यालय श्रीरामपूर यांच्यावतीने सहकार महर्षी भाऊसाहेब थोरात सह. साखर कारखाना लि. अमृतनगर संगमनेर येथे विशेष रस्ता सुरक्षा सत्राचे आयोजन करण्यात आले होते,

या सत्रात ऊस वाहतुकीशी संबंधित सुरक्षा विषयी उपाययोजनांवर चर्चा करण्यात आली आणि आवश्यक निर्देश वाहन चालकांना देण्यात आले. कारखान्याच्या व्यवस्थापकीय संचालकांना ऊस वाहतुकीसाठी आवश्यक सुरक्षा उपाय राबवण्याची निर्देश दिले गेले. ऊस वाहतूक करणाऱ्या वाहन चालकांना रस्ता सुरक्षा नियमांचे पालन करण्यास प्रवृत्त करण्यात आले. वाहनांवर मागील बाजूस लाल रंगाची आणि समोरील बाजूस पांढऱ्या रंगाची रिफ्लेक्टर पट्टी बसविण्याचे निर्देश देण्यात आले. या पट्ट्या ऊस किंवा पाचटामुळे झाकल्या जाणार नाहीत त्याची दक्षता घेण्याची सूचना करण्यात आली. काही वाहनांवर प्रत्यक्ष कार्यालयाकडून रिप्लेक्टर पट्ट्या लावून या प्रक्रियेचे प्रात्यक्षिक दाखवण्यात आले. नादृष्ट वाहने रस्त्यावर असल्यास ती तात्काळ बाजूला हटवावी किंवा रात्री ती स्पष्ट दिसतील अशी व्यवस्था करावी अशी सूचना करण्यात आली या मार्गदर्शन १७ मध्ये कारखान्याचे व्यवस्थापकीय संचालक सुरक्षारक्षक आणि कर्मचारी वर्ग उपस्थित होते. हा उपक्रम उपप्रादेशिक परिवहन कार्यालय श्रीरामपूर येथील सहाय्यक मोटर वाहन निरीक्षक राणी सोनवणे यांच्या नेतृत्वाखाली पार पाडण्यात आला.

=================================

-----------------------------------------------

*वृत्त विशेष सहयोग*

ज्येष्ठ पत्रकार राजेश जेधे - संगमनेर 

-----------------------------------------------

=================================

=================================

-----------------------------------------------

*संकलन*💐✅🇮🇳...

समता मीडिया सर्व्हिसेस श्रीरामपूर - 9561174111

-----------------------------------------------

=================================

लोयोला सदन चर्चच्या वतीनेमहामानवास विनम्र अभिवादन

लोयोला सदन चर्चच्या वतीने

महामानवास विनम्र अभिवादन 

- श्रीरामपूर - प्रतिनिधी -/ वार्ता -

येथील लोयोला धर्मग्रामाचे प्रमुख धर्मगुरू रेव्ह.फा. प्रकाश भालेराव यांच्या मार्गदर्शनाखाली लोयोला सदन चर्चच्या वतीने महापरिनिर्वाण दिनानिमित्त महामानव डॉ. बाबासाहेब आंबेडकर यांना अभिवादन करण्यात आले. यावेळी कमलाकर पंडित, रवि त्रिभुवन, अविनाश काळे, विजय त्रिभुवन, सुरेश ठुबे, ललित गायकवाड, प्रतिक गायकवाड,चरण त्रिभूवन, संतोष मोकळ व इतर मान्यवर उपस्थित होते.

=================================

-----------------------------------------------

*संकलन*✍️✅🇮🇳...

समता मीडिया सर्व्हिसेस

 श्रीरामपूर - 9561174111

-----------------------------------------------

=================================

अय्युब पठाण यांना उत्कृष्ट साहित्य पुरस्कार

अय्युब पठाण यांना उत्कृष्ट साहित्य पुरस्कार*

- पैठण - प्रतिनिधी -/ वार्ता -

बुलढाणा जिल्ह्यातील साखरखेर्डा येथील भारत संग्राम आयोजित स्वर्गीय मधुकर खंडारे यांच्या स्मृतिप्रित्यर्थ व सावित्रीबाई फुले यांच्या जयंतीच्या निमित्ताने मराठवाड्यातील प्रसिध्द लेखक तथा कवी अय्युब पठाण लोहगावकर हे मागील ३५ वर्षापासून मराठी साहित्य क्षेत्रात मराठीमध्ये साहित्य लेखन करून साहित्य क्षेत्रात त्यांनी भरीव योगदान दिले आहे. आणि अय्युब पठाण यांनी १३ पुस्तकांचे दर्जेदार लेखन करून समाजामध्ये आणि बालकांमध्ये प्रबोधनात्मक जनजागृती केली आहे. म्हणून या कार्याची दखल घेऊन सिंदखेड राजा तालुक्यातील साखरखेर्डा येथील भारत संग्रामचे मुख्य आयोजक सचिन खंडारे यांनी एक उत्कृष्ट साहित्यिक म्हणून अय्युब पठाण लोहगावकर यांना साहित्य क्षेत्रातील २०२४ चा अत्यंत सन्मानाचा उत्कृष्ट साहित्य लोकशाहीर अण्णाभाऊ साठे राज्यस्तरीय पुरस्कारासाठी अय्युब पठाण यांची उत्कृष्ट साहित्य पुरस्कारासाठी निवड करून त्यांना हा पुरस्कार जाहीर केला आहे. लवकरच मान्यवरांच्या हस्ते हा पुरस्कार श्री. पठाण यांना सन्मानपूर्वक प्रदान करण्यात येणार आहे.

=================================

-----------------------------------------------

*संकलन*✍️✅🇮🇳...

समता मीडिया सर्व्हिसेस श्रीरामपूर - 9561174111

-----------------------------------------------

=================================

संगमनेर शहर पोलिसांची कौतुकास्पद कामगिरी चोरी गेलेल्या मोटरसायकल हस्तगत करीत मोठ्या शिताफीने आरोपीला केले जेरबंद

- मुज्जफर शेख - प्रतिनिधी -/ वार्ता - संगमनेर -

 संगमनेर शहरासह तालुक्यात मोटरसायकल चोरीचे प्रमाण गेल्या अनेक दिवसापासून दिवसापासून मोठ्या प्रमाणात वाढलेले आहे तसेच सोनसाखळी चोरीचे गुन्हे देखील खूप वाढलेले आहेत संगमनेर शहर पोलीस ठाण्यात दिनांक २४/४/२०२४ गुन्हा रजिस्टर नंबर ३८६/ २०२४ भादवि कलम ३८९अंतर्गत गुन्हा दाखल करण्यात आला होता त्या अनुषंगाने अहमदनगर जिल्हा पोलीस अधीक्षक राकेश ओला व अप्पर पोलीस अधीक्षक सौ श्री वैभव कलबुमे व उपविभागीय पोलीस अधिकारी संगमनेर विभाग संगमनेर यांच्या मार्गदर्शना विशेष पथक तयार करण्यात आले होते त्या आधारे संगमनेर शहरात चोरी झालेल्या मोटर सायकलची माहिती घेऊन त्यांचे तांत्रिक विषयाचे आधारे चोरीच्या मोटरसायकलीचा शोध घेतला असता आरोपी नामे सौरभ शिवाजी वारे वय वीस वर्षे राहणार आष्टी ता. आष्टी जिल्हा बीड यास अटक करून त्याच्याकडून एकूण चार लाख रुपयाचे महागडे दोन चाकी वाहन हस्तगत करण्यात आले यामध्ये तीन बुलेट व एक बजाज कंपनीची पल्सर व एचएफ डीलक्स वाहने संगमेश्वर पोलिसांनी आष्टी करमाळा धाराशिव पेठ मांजरसुंबा जामखेड इथून हस्तगत करीत आरोपीला जेरबंद केलाय यामध्ये संगमनेर शहरातील एकाचा देखील समावेश असून त्याचा पोलीस शोध घेत आहे सदरची कामगिरी श्री डॉक्टर कुणाल सोनवणे व उपविभागीय पोलिस अधिकारी संगमनेर विभाग यांच्या मार्गदर्शनाखाली पोलीस निरीक्षक रवींद्र देशमुख यांच्या सूचनाप्रमाणे पोलीस उपनिरीक्षक समीर बबन अभंग सचिन धनाड रामेश्वर वेताळ आदींनी केले आहे

=================================

-----------------------------------------------

:- राज प्रसारित Blog Spot.Com Sociel Mediya Google Network ✍️✅🇮🇳...

Mobile +919730595775...

-----------------------------------------------

=================================

शब्दगंध चे सभासद होण्याचे आवाहन

- अहिल्यानगर ( अहमदनगर ) - प्रतिनिधी -/ वार्ता -

शब्दगंध साहित्यिक परिषदेच्या वतीने नवोदित लेखक, कवी साठी विविध साहित्यिक उपक्रम राबविण्यात येत असून शब्दगंध च्या वतीने वर्षातून एक राज्यस्तरीय साहित्य संमेलनाचे आयोजन करण्यात येते. शब्दगंध ही ग्रामीण भागातील सर्वांनी एकत्र येऊन स्थापन केलेली संस्था असून संस्थेच्या तालुकास्तरीय शाखाही कार्यरत आहेत,अशा या संस्थेचे सभासद होण्यासाठी संस्थापक सचिव सुनील गोसावी यांचेशी 9921009750 या क्रमांकावर संपर्क साधावा असे आवाहन अध्यक्ष राजेंद्र उदागे यांनी केले आहे. 

दर तीन वर्षांनी मुख्य कार्यकारी मंडळ तर दर दोन वर्षांनी तालुकास्तरीय शाखा कार्यकारी मंडळाची निवड करण्यात येते. यावर्षी ही प्रक्रिया सुरू करण्यात आली असून त्या निमित्ताने लेखनाची आवड असणारे नवोदित साहित्यिक, सांस्कृतिक क्षेत्रात काम करण्याची आवड असणारे शिक्षक, पत्रकार, प्राध्यापक, कलावंत, श्रमिक, कष्टकरी, डॉक्टर,इंजिनिअर, समाजसेवक या सर्वांना संस्थेचे सभासदत्व देण्यात येते.

               तरी सभासद होऊ इच्छिणाऱ्यांनी 8 डिसेंबर 2024 पर्यंत 9921009750 वर संपर्क साधावा,असे आवाहन संस्थापक सचिव सुनील गोसावी, अध्यक्ष राजेंद्र उदागे, खजिनदार भगवान राऊत, कार्याध्यक्ष प्रा.डॉ.अशोक कानडे, कार्यवाह सुभाष सोनवणे, उपाध्यक्ष शाहीर भारत गाडेकर,प्राचार्य डॉ.गुंफा कोकाटे, सहसचिव सुनील धस, प्रा.डॉ. तुकाराम गोंदकर,सह कार्यवाह अजयकुमार पवार, राज्य संघटक शर्मिला गोसावी, प्रसिद्धी प्रमुख राजेंद्र फंड,संयोजन समितीचे अध्यक्ष ज्ञानदेव पांडुळे, राज्य कार्यकारिणीचे सदस्य स्वाती ठुबे, बबनराव गिरी, राजेंद्र पवार,किशोर डोंगरे, रामकिसन माने, बंडूसेठ दानापुरे यांनी केले आहे.

=================================

-----------------------------------------------

*संकलन*✍️✅🇮🇳...

समता मीडिया सर्व्हिसेस श्रीरामपूर 

बा./जा.संपर्क क्र. 9561174111

-----------------------------------------------

=================================

वाहन चालवितांना नियम व अटींचे पालन केल्यास विनाअपघात प्रवास होईल सुखकर

उपप्रादेशिक परिवहन अधिकारी 

अनंता जोशी यांचे प्रतिपादन

- शौकतभाई शेख - श्रीरामपूर -/ वार्ता -

दुचाकी चालवितांना हेल्मेट आणि चारचाकी वाहन चालवितांना नेहमी सीटबेल्टचा वापर करावा. रस्त्यावर कोणत्याही प्रकारचा अपघात झाल्याचे निदर्शनास आल्यास नि:संकोच मनाने मदत करावी. तुमची छोटीसी मदत कोणाचा जीव वाचवू शकते. तसेच वाहनाने प्रवास करतांना नियम व अटींचे पालन केल्यास आपल्या जीवनात कोणतेही संकट येणार नाही, असे प्रतिपादन श्रीरामपूरचे उपप्रादेशिक परिवहन अधिकारी अनंता जोशी यांनी केले.

        अशोक शैक्षणिक संकुलाचे संस्थापक माजी आ.भानुदास मुरकुटे यांचे अधिपत्याखालील अशोक इंग्लिश मीडियम स्कूल व ज्युनिअर कॉलेज ऑफ आर्ट्स कॉमर्स ॲण्ड सायन्स, प्रगतीनगर येथे तीन दिवसीय वार्षिक क्रीडा महोत्सवचे (स्पोर्टमीट) उद्घाटन श्री.जोशी यांच्या हस्ते नुकतेच संपन्न झाले. कार्यक्रमाच्या अध्यक्षस्थानी अशोक कारखान्याच्या संचालिका सौ.मंजुश्रीताई मुरकुटे होत्या. यावेळी प्रमुख अतिथी श्री.जोशी यांनी विद्यार्थ्यांना वेगवेगळ्या क्षेत्रातील संधी, वाहतुकीचे नियम, रस्ता सुरक्षा, अपघात टाळण्यासाठी उपाययोजना, मोबाईल मुक्त विद्यार्थी याविषयी सखोल मार्गदर्शन केले. 

       याप्रसंगी अध्यक्षपदावरून बोलताना सौ.मंजुश्रीताई मुरकुटे म्हणाल्या की, अशोक उद्योग समूहाचे सूत्रधार माजी आ. भानुदास मुरकुटे यांनी अशोक शैक्षणिक संकुलाची स्थापना करून ग्रामीण भागातील विद्यार्थ्यांना शिक्षणाच्या अनेक संधी उपलब्ध करून दिल्या आहे. इंजिनिअरिंग कॉलेज, फार्मसी कॉलेज, आयटीआय, इंग्लिश मीडियम स्कुल, सीबीएससी इत्यादी अभ्यासक्रम सुरू केलेले आहे. याबरोबरच विद्यार्थ्यांना देशी विदेशी खेळाच्या सुविधा मिळाव्यात म्हणून भव्य क्रीडांगण उपलब्ध करून दिले आहे. विद्यार्थ्यांनी या सुविधांचा लाभ घेऊन नावलौकिक मिळवावा, अशी अपेक्षा व्यक्त करत स्पर्धेसाठी शुभेच्छा दिल्या. 

         प्रारंभी स्कूलचे संगीत शिक्षक सॅम्युअल वडागळे व विद्यार्थ्यांनी सादर केलेल्या स्फूर्ती गीताने मान्यवरांचे स्वागत केले. कार्यक्रमाचे प्रास्ताविक प्राचार्य संपत देसाई यांनी केले, तर प्रमुख अतिथींचा परिचय शिक्षिका लक्ष्मी गोल्हार यांनी केला. या कार्यक्रम प्रसंगी शिवाजी हाऊस, नेताजी हाऊस, सावरकर हाऊस व भगतसिंग हाऊस पथकाचे शानदार संचालन झाले. त्यानंतर विद्यार्थिनींनी समूह नृत्य सादर केले. मशाल पेटवून विद्यार्थ्यांना शपथ देण्यात आली. स्कुलचे ए.इ.एम.एस. अद्याक्षरे असलेले फुगे हवेत सोडून कार्यक्रमाचे उद्घाटन करण्यात आले. याप्रसंगी नीरज मुरकुटे, सतिश ढाकणे आदी उपस्थित होते. शेवटी शिक्षिका रंजना क्षीरसागर यांनी उपस्थितांचे आभार मानले. त्यानंतर क्रीडा स्पर्धेला प्रारंभ करण्यात आला. यावेळी सर्व शिक्षक, पालक व विद्यार्थी मोठ्या संख्येने उपस्थित

 होते.

=================================

-----------------------------------------------

*संकलन*✍️✅🇮🇳...

समता मीडिया सर्व्हिसेस श्रीरामपूर 

बा./जा.संपर्क क्र. 9561174111

-----------------------------------------------

=================================

विद्यानिकेतनमध्ये वार्षिक क्रीडा महोत्सव मोठ्या उत्साहात संपन्न

- श्रीरामपूर - प्रतिनिधी -/ वार्ता -

 येथील स्व.रावसाहेब शिंदे प्रतिष्ठान संचलित विद्यानिकेतन इंग्लिश मिडीयम स्कूलमध्ये तीन दिवसीय वार्षिक क्रीडा महोत्सव नुकताच उत्साहात संपन्न झाला. प्रसंगी महोत्सवाचा आरंभ कार्यक्रमाचे प्रमुख अतिथी श्रीरामपूर उप प्रादेशिक परिवहन (आरटीओ) कार्यालयाचे सहाय्यक मोटार वाहन निरीक्षक पांडुरंग सांगळे, रोहन चव्हाण तसेच मिस इंटरनॅशनल इंडिया सौंदर्यवती रश्मी शिंदे यांच्या हस्ते हॉकीचे जादूगार मेजर ध्यानचंद व स्व.विधिज्ञ रावसाहेब शिंदे यांच्या प्रतिमेस पुष्पहार अर्पण करून व मशाल पेटवून झाला.

         दरम्यान सहाय्यक मोटार वाहन निरीक्षक पांडुरंग सांगळे यांनी आपल्या भाषणातून विद्यार्थ्यांना खेळाबरोबरच अभ्यास, शिस्त, वेळेचे नियोजन, रस्ता सुरक्षेचे नियम व मोबाईलचे फायदे-तोटे याविषयी माहिती दिली. तसेच सौंदर्यवती रश्मी शिंदे यांनी आपल्या भाषणातून वार्षिक क्रीडा महोत्सवास शुभेच्छा देऊन, विद्यार्थ्यांना शैक्षणिक मार्गदर्शन केले. यावेळी इ.चौथी ते सहावीच्या विद्यार्थिनींनी 'लाईट द स्काय' या स्फूर्ती गीतावर नृत्य सादर करून उपस्थितांची मने जिंकली. तसेच इ.आठवी ते दहावीतील विद्यार्थी- विद्यार्थिनींनी उत्कृष्ट संचलन केले. हेड बॉय साईराज थोरात याने विद्यार्थ्यांसमवेत शाळेशी एकनिष्ठ राहण्याची शपथ घेतली. तसेच ब्ल्यू,रेड,येलो,ग्रीन हाऊसनिहाय विद्यार्थ्यांच्या इ.पहिली ते पाचवी व इ.सहावी ते दहावी या दोन गटात रनिंग रेस,रस्सीखेच, कबड्डी,क्रिकेट,खो-खो,हॉलीबॉल बास्केटबॉल या स्पर्धा घेण्यात आल्या. यावेळी विद्यार्थ्यांना विद्यालयाचे क्रीडाशिक्षक (एनआयएस कोच) अजय आव्हाड,मयूर जाधव यांचे मार्गदर्शन लाभले.

       कार्यक्रमास विद्यालयाचे चेअरमन माजी प्राचार्य टी.ई. शेळके,व्हा. चेअरमन डॉ. प्रेरणाताई शिंदे,खजिनदार डॉ.राजीव शिंदे,सौंदर्यवती रश्मी शिंदे, प्राचार्य विनोद रोहमारे, समन्वयक मंगेश साळुंके, मनीषा उंडे तसेच शिक्षक व शिक्षकेतर कर्मचारी आदी उपस्थित होते. कार्यक्रमाचे प्रास्ताविक गौरव गोसावी, अनन्या शिंदे, सूत्रसंचालन राजवर्धन चौधरी, हिंदवी रोडे यांनी केले,तर शेवटी आभार अक्षदा दळे हिने मानले.

=================================

-----------------------------------------------

*संकलन*✍️✅🇮🇳...

समता मीडिया सर्व्हिसेस श्रीरामपूर 

बा./जा.संपर्क क्र. 9561174111

-----------------------------------------------

=================================