( मुक्ताई नगर तालुका ) - वार्ता -
तालुका गुटखा आणि गांजा तस्करीचे मोठे केंद्र बनल्याचा आरोप आ : एकनाथ खडसे
तालुक्यातून जिल्हाभरात येत असल्याचा आरोप आ.एकनाथराव खडसे करत आहेत. पोलिसांनी यावर अनेकदा कारवाई केली असली तरी देखील हा गोरख धंदा दिवसेंदिवस वाढतच आहे. काही दिवसांपूर्वीच आमदार एकनाथराव खडसे यांनी याच विषयावर विधानपरिषदेत हा मुद्दा उपस्थित केला होता.
आज मुक्ताईनगर शहरात गुटख्याने भरलेला ट्रक पकडण्यात आला आहे. या ट्रकमध्ये पूर्णपणे गुटखा भरलेला होता, त्याची किंमत ५६ लाख असून बाजारभाव तब्बल एक कोटी रूपये असल्याची माहिती आ.एकनाथराव खडसे यांनी पत्रकारांशी बोलताना दिली. हा ट्रक मुक्ताईनगर पोलीस स्थानकात जमा करण्यात आला. या घटनेची माहिती मिळताच आ.खडसेंनी त्याठिकाणी जाऊन माहिती घेत कारवाई करणाऱ्यांचेही अभिनंदन केले.
त्यांनी अधिक माहिती देताना सांगितले की, गेल्या एक महिन्यातच दीड कोटी रूपयांचा गुटखा पकडण्यात आला असून मुक्ताईनगर तालुका गुटखा आणि गांजा तस्करीचे मोठे केंद्र बनले असल्याचा आरोप आमदार एकनाथराव खडसे यांनी केला. आज अन्न व औषध प्रशासनाने गुटख्याचा मोठा साठा जप्त केल्यानंतर त्यांनी प्रशासनावर जोरदार टिका करत गंभीर आरोप केले.
----------------------------------------------------
===================================
No comments:
Post a Comment