संघर्ष ग्रुपतर्फे सत्कारस संपन्न डॉ.बाबुराव उपाध्ये यांना साहित्यभूषण पुरस्कार मिळाल्याबद्दल - श्रीरामपूर

💐💐💐💐💐💐💐💐💐💐💐

श्रीरामपूर - प्रतिनिधि - वार्ता -

येथील वाचन संस्कृती प्रतिष्ठानचे संस्थापक, अध्यक्ष डॉ. बाबुराव उपाध्ये यांना साहित्यभूषण पुरस्कार - 2023 मिळाल्याबद्दल संघर्ष (ग्रुप) वाहन चालक मालक संघटना महाराष्ट्र राज्य सचिव सुभाषराव देशमुख यांच्या हस्ते शिरसगाव इंदिरानगरमधील वाचन संस्कृती वाचनालयात सत्कार करण्यात आला.

  श्रीरामपूर येथील भीम पॅन्थर सामाजिक संघटना महाराष्ट्र राज्य यांच्यातर्फे राजर्षी छत्रपती शाहू महाराज यांच्या एकशे एकोण पन्नासव्या जयंतीनिमित्त विविधक्षेत्रात सेवाभावाने कार्य करणाऱ्या व्यक्तींचा सन्मान करण्यात आला, त्यामध्ये वाचन संस्कृती वाढविण्यासाठी ग्रंथनिर्मिती,ग्रन्थप्रसार, मोफत वाचन चळवळ, उपक्रम करणारे डॉ. बाबुराव उपाध्ये यांचा साहित्यभूषण पुरस्काराने गौरव करण्यात आला होता, या पुरस्कारप्राप्तीबद्दल संघर्ष ग्रुपतर्फे शाल, बुके, सन्मानचिन्ह देऊन सत्कार करण्यात आला.यावेळी कडा येथील संघर्ष राज्यग्रुप सचिव सुभाषराव देशमुख,सदस्य दत्तात्रय देशमुख, सौ.अनिताताई देशमुख, सौ. कमलताई देशमुख,सौ.गीतांजली गाढे, सौ. मंदाकिनी उपाध्ये, श्रीमती सुमनबाई मांढरे, गणेशानंद उपाध्ये, सौ. आरती उपाध्ये आदी उपस्थित होते.

  डॉ. बाबुराव उपाध्ये यांनी सुभाषराव देशमुख आणि उपस्थित पाहुण्यांचा 'मातृपितृ देवोभव', 'बाबुराव पासष्टी 'आदी पुस्तके देऊन प्रतिष्ठानतर्फे सत्कार केले.सुभाषराव देशमुख म्हणाले,डॉ. बाबुराव उपाध्ये यांची विविध वाड्.मयीन प्रकारात पन्नास पुस्तके प्रकाशित असून त्यांना विविध संस्थेचे साठ पुरस्कार प्राप्त झालेले आहेत. कडा येथील श्रीराम वाचनालयासाठी त्यांनी अनेक पुस्तके भेट दिली. माऊली वाचनालयासाठी कपाटभर पुस्तके दिली, अनेक व्यक्ती, संस्थेला त्यांनी हजारो पुस्तके दिली आहेत.अशा साहित्यतपस्वी डॉ. उपाध्ये यांना साहित्यभूषण पुरस्कार देणारे भीम पॅन्थर सामाजिक संघटनेचे संस्थापक, अध्यक्ष शिवाजीराव गांगुर्डे,प्रदेश महासचिव कादिर अन्वर खान उर्फ राज खान, उत्तरनगर जिल्हाध्यक्ष नानासाहेब यादव शिंदे,उपक्रम संयोजक पत्रकार राजेंद्र देसाई यांच्या उपक्रमाविषयी सुभाषराव देशमुख यांनी विशेष कौतुक केले,कारण असे पुरस्कार व्यक्तीसत्कार्याला प्रेरक ठरतात.यावेळी सौ. गीतांजली गाढे यांनी डॉ. बाबुराव उपाध्ये यांचे अभिनंदन करून पुस्तके देऊन पाहुण्यांचा असा सन्मान करणे ही त्यांची वाचनसंस्कृती आजच्या स्थितीत रुजली पाहिजे, असे सांगून त्यांनी आम्ही आमच्या नातवांना पुस्तके देतो, ते वाचनप्रेमी झाले आहेत.वाढदिवस, विवाह, वास्तूशांती असे उपक्रम हॆ पुस्तक भेटीने गौरवीत केले तरच उद्याची पुढी ग्रन्थप्रेमी होईल, असे सांगितले.उपस्थित मान्यवरांनी डॉ. उपाध्ये परिवाराचे अभिनंदन केले.सौ. आरती उपाध्ये यांनी आभार मानले 

समता

न्यूज नेटवर्क,

       श्रीरामपूर - 9561174111