*अहमदनगर - मखदुम सोसायटी व रहमत सुलतान
फाऊंडेशनच्यावतीने मोहंमद रफी यांच्या शताब्दी
वर्षानिमित्त ‘रफी के रंग... गीत गजल के संग..’ या
मैफिलचे दिपप्रज्वलन एड.ललित गुंदेचा यांच्या
हस्ते झाले. याप्रसंगी सुहास मुळे, धनेष बोगावत,
अमृत मुथा,इंजि.अभिजित वाघ, युनूसभाई
तांबटकर, डॉ.कमर सुरुर, एड.अमिन धाराणी,
संध्याताई मेढे, इरशाद अंजुम, आरिफ सय्यद,
शफकत सय्यद आदि मान्यवर दिसत आहे.*
*नैराश्यावर मात करण्यासाठी गीत-संगीत
मनोरंजनासोबतच औषधासारखे आहे -
ॲड.ललित गुंदेचा*
*मोहंमद रफी जन्म शताब्दी वर्षानिमित्त*
*नगरमध्ये गजल-गीतांची मौफिल संपन्न*
अहमदनगर प्रतिनिधि वार्ता
जीवन जगताना जसा श्वास आवश्यक असतो, त्याप्रमाणेच संगीत हा देखील आपल्या सर्वांच्या जीवनाचा एक भाग आहे ‘संगीत’हे सुरांचे व सुसंवादाचे मिलन आहे. यामध्ये एखाद्याला खूपच समाधान मिळते तर कोणाला आनंद होतो. जीवनातील नैराश्यावर मात करण्यासाठी गीत-संगीत हे मनोरंजनासोबत औषधासारखे देखील असल्याचे प्रतिपादन अहमदनगर येथील प्रसिद्ध विधितज्ञ ॲड.ललित गुंदेचा यांनी केले.
मखदुम एज्युकेशन अॅण्ड वेलफेअर सोसायटी व रहमत सुलतान फाऊंडेशन यांच्या संयुक्त विद्यमाने महान गायक मोहंमद रफी यांच्या १०० व्या जयंती शताब्दी वर्षानिमित्त ‘रफी के रंग... गीत गजल के संग..’ या रफींच्या गीतांची मैफिल आयोजित करण्यात आली होती. कार्यक्रमाचे दिपप्रज्वलन ॲड.ललित गुंदेचा यांच्या हस्ते करण्यात आले
याप्रसंगी ते बोलत होते.
याप्रसंगी जागरुक नागरीक मंच चे अध्यक्ष सुहास मुळे, उद्योगपती धनेष बोगावत, उद्योगपती अमृत मुथा, मराठा सेवा संघाचे महानगर अध्यक्ष इंजि.अभिजित वाघ, रहेमत सुलतान फौंडेशनचे अध्यक्ष युनूसभाई तांबटकर, मखदूम सोसायटीच्या सचिव डॉ.कमर सुरुर, गाता रहे मेरा दिल ग्रुपचे अध्यक्ष ॲड.अमिन धाराणी, संध्याताई मेढे, मालेगांवचे इरशाद अंजुम, जीवन फौंडेशनचे आरिफ सय्यद आदि मान्यवर उपस्थित होते.
या मैफिलमध्ये मोहंमद रफी यांची सदाबहार गीते ॲड.अमिन धाराणी, सुनिल भंडारी, दिनेश मंजरतकर, इकबाल बागवान, ॲड.गुलशन धाराणी, प्रशांत छजलानी,अन्वर शेख, डॉ. विवेकानंद कंगे, डॉ.अविनाश मंचरकर, राजेंद्र शहाणे, महेश घावटे, जावेद मास्टर, डॉ.रेश्मा चेडे, विद्या तन्वर, सईद खान यांनी सादर केली.
तर मोहंमद रफी यांच्यावर कवयत्री डॉ.कमर सुरुर यांनी कविता सादर करुन रसिकांची वाह वाही मिळवली. हास्य कवी बिलाल अहमदनगरी यांनी रसिकांना आपल्या हास्य रचनांनी लोळपोळ केले.
ॲड.गुंदेचा पुढे म्हणाले, संगीतामध्ये चिंता,नैराश्य, निद्रानाश आदि रोग बरे करण्याचे सामर्थ्य आहे. संगीतामुळे एकाग्रता सुधारण्यासाठी मोठी मदत होते. संगीत जीवनात आवश्यक आहे. प्रवासात असल्यास एक वेगळाच आनंद संगीत देऊन जाते. लहान मुले सोशल मिडियामुळे संवाद विसरत चालली आहेत, मोबाईलमुळे बालपण हरवून मुले
मानसिक रुग्ण होत आहे. गीत-संगीताच्या माध्यमातून आयोजकांनी वेगळे व्यासपीठ मुलांना निर्माण करावे. गीत-संगीताची गोडी मुलांना लागेल आणि ताणतणावा मधून मुले बाहेर पडतील, असे ते
म्हणाले.
प्रास्तविकात आबीद दुलेखान यांनी मोहंमद रफी यांच्या शताब्दी वर्षानिमित्त वर्षभर गीत-संगीताचे विविध मैफिल व उपक्रमांचे आयोजनाबद्दल माहिती दिली. कार्यक्रमास के.के.खान, युनूस तांबटकर, आरिफ सय्यद, इंजि.इकबाल सय्यद, दिनेश मंजरतकर,अमिन धाराणी, शफकत सय्यद यांचे
विशेष सहकार्य लाभले.
कार्यक्रमाचे सूत्रसंचालन इरशाद अंजुम यांनी केले तर आभार मुस्कान फौंडेशनचे शफकत सय्यद यांनी मानले.
=================================-----------------------------------------------
*पत्रकार आबीद दुलेखान - अहमदनगर*
=========================
*सहयोगी* स्वाभिमानी संपादक सेवा संघ
*संकलन*✍️✅🇮🇳
समता न्यूज नेटवर्क,श्रीरामपूर - *9561174111*
-----------------------------------------------
=================================
No comments:
Post a Comment