*रेड क्रॉसच्या वतीने आरोग्य साहित्याचे वाटप* *बालिका विद्यालयात बालिका दिन साजरा*

- श्रीरामपूर - प्रतिनिधि - / वार्ता -

येथील भि.रा खटोड कन्या विद्यालय व ज्युनिअर कॉलेजमध्ये राष्ट्रीय बालिका दिनानिमित्त इंडियन रेड क्रॉस सोसायटी श्रीरामपूर अंतर्गत विद्यार्थिनींना आरोग्य साहित्याचे वाटप करण्यात आले. तसेच क्रांतीज्योती सावित्रीबाई फुले यांची जयंती उत्साहात साजरी करण्यात आली. याप्रसंगी कार्यक्रमाच्या अध्यक्षपदी डॉ. सौ. ज्योत्स्ना तांबे यांची निवड करण्यात आली.

प्रमुख अतिथी म्हणून प्रांताधिकारी व रेड क्रॉस सोसायटी अध्यक्ष किरण सावंत पाटील, गटशिक्षणाधिकारी साईलता सामलेटी, सहाय्यक पोलीस निरीक्षक जीवन बोरसे, सचिव सुनील साळवे तसेच पोपटराव शेळके, प्रवीण साळवे, उमेश अग्रवाल, भरत कुंकूलोळ, बन्सी फेरवानी, विनोद हिंगणीकर, गोरक्षनाथ बनकर, संदीप छाजेड, किरण बोरावके, गणेश थोरात, पुष्पा शिंदे, वर्षा दातीर ,अरुण कतारे, सुरंजन साळवे, डॉ. स्वप्नील पुरणाळे, सुरेश वाघुले, राजू केदारी, कल्पेश ढमाले, विश्वास भोसले, विद्यालयाचे चेअरमन दत्तात्रय साबळे, प्राचार्य विद्या कुलकर्णी पर्यवेक्षिका अनिता शिंदे ,सेवक प्रतिनिधी आदिनाथ जोशी, प्रा. सतीश म्हसे आदी उपस्थित होते.

 याप्रसंगी उषा गाडेकर व अवधूत कुलकर्णी यांनी एका सुरेल स्वागत गीताने प्रमुख पाहुण्यांचे स्वागत केले.

    प्रांताधिकारी किरण सावंत यांनी विद्यार्थिनींना मार्गदर्शन केले, जीवन बोरसे यांनी विद्यार्थिनींना पोक्सो कायद्याविषयी मार्गदर्शन केले. तसेच रेड क्रॉस सोसायटी चे सचिव सुनील साळवे यांनी रेड क्रॉस सोसायटी विषयी विद्यार्थिनींना माहिती दिली व विद्यालयांमध्ये ज्यूनियर रेड क्रॉस सोसायटीची स्थापना करण्यात येईल असे याप्रसंगी सांगितले. विद्यालयाच्या प्राचार्या विद्या कुलकर्णी मॅडम यांनी सावित्रीबाई फुले यांचा जीवनपट थोडक्यात विद्यार्थिनींना उलगडून दाखवला. तसेच गटशिक्षणाधिकारी सामलेटी मॅडम यांनी विद्यार्थिनींना सावित्रीबाई फुले यांचा आदर्श घेऊन पुढे वाटचाल करण्याचे मार्गदर्शन केले. तसेच कार्यक्रमाच्या अध्यक्षाडॉ. सौ तांबे मॅडम यांनी आपले मनोगत व्यक्त केले. याप्रसंगी कार्यक्रमाचे सूत्रसंचालन निर्मला लांडगे यांनी केले तर अध्यक्षीय सूचना कैलास आढाव यांनी मांडली,आभार प्रा. सौ मनीषा आवटे यांनी केले. कार्यक्रम यशस्वी करण्यासाठी सर्व शिक्षक व सेवक वृंद यांनी विशेष परिश्रम घेतले.

=================================

-----------------------------------------------

*पत्रकार अफजल मेमन - श्रीरामपूर*

================

*सहयोगी* - स्वाभिमानी संपादक सेवा संघ

*संकलन*✍️✅🇮🇳

समता न्यूज नेटवर्क,श्रीरामपूर - *9561174111*

-----------------------------------------------

=================================