स्क्रीन पासून दूर राहा व जास्तीत जास्त वाचन करा- सौ.पोखरकर मॅडम

- श्रीरामपूर - प्रतिनिधी -/ वार्ता -

श्रीरामपूर तालुक्यातील रयत शिक्षण संस्थेचे श्री छत्रपती शिवाजी विद्यालय वडाळा महादेव येथे संस्थेचे संस्थापक कर्मवीर भाऊराव पाटील यांच्या १३७ व्या जयंती निमित्त विविध स्पर्धांचे पारितोषिक वितरण करण्यात आले. 

या कार्यक्रमासाठी रयत शिक्षण संस्थेच्या अजीव सभासद सौ. पोखरकर मॅडम , स्थानिक स्कूल कमिटी सदस्य उद्धवराव पा. पवार तसेच शेती विभाग प्रमुख प्रा.एकनाथ औटी सर उपस्थित होते. कर्मवीर जयंती निमित्त विद्यालयात निबंध स्पर्धा ,वकृत्व स्पर्धा, चित्रकला स्पर्धा, रांगोळी स्पर्धा ,चमचा लिंबू, स्लो सायकल संगीत खुर्ची, खो-खो ,कबड्डी अशा विविध स्पर्धा घेण्यात आल्या. सर्व स्पर्धांमध्ये विद्यार्थ्यांनी उत्साहाने सहभाग नोंदवला. या स्पर्धांमध्ये विजयी झालेल्या स्पर्धकांना ट्रॉफी , पेन व पेन्सिल बक्षीस स्वरूपात उपस्थित मान्यवर व विद्यालयाचे मुख्याध्यापक श्री. एन.डी.माळी यांच्या हस्ते वितरित करण्यात आले. याप्रसंगी आपले मनोगत व्यक्त करताना सौ.पोखरकर यांनी विद्यार्थ्यांना मोबाईल पासून दूर राहण्याची व जास्तीत जास्त वाचन करण्याची गरज व महत्त्व पटवून दिले. भविष्यातील संधी ओळखून विद्यार्थ्यांना ते कौशल्य प्राप्त करण्यासाठी संस्था नेहमीच वेगवेगळे उपक्रम राबवत असते. कार्यक्रमाच्या यशस्वीतेसाठी विद्यालयाचे ज्येष्ठ शिक्षक बाळासाहेब कसार,स्वेजल रसाळ,संतोष नेहूल, उषा नाईक, प्रज्ञा कसार, अविनाश लाटे , जयश्री जगताप ,जिजाबाई थोरात ,जमदाडे सर ,सुनिता बोरावके ,प्रशांत बांडे , अशोक पवार , संदीप जाधव, भास्कर शिंगटे तसेच बीएड छात्र-अध्यापक यांनी परिश्रम घेतले. 

कार्यक्रमाचे सूत्रसंचालन सौ. शितल निंभोरे व सौ.दिपाली बच्छाव यांनी केले तर श्री. भास्कर सदगीर यांनी उपस्थितांचे आभार मानले.

=================================

-----------------------------------------------

*वृत्त विशेष सहयोग*✍️✅🇮🇳...

पत्रकार राजेंद्र देसाई - वडाळा महादेव 

-----------------------------------------------

=================================

=================================

-----------------------------------------------

*संकलन*💐✅🇮🇳...

समता न्यूज सर्व्हिसेस, श्रीरामपूर +९१९५६११७४१११

-----------------------------------------------

=================================