रस्ता दुरुस्तीचे कामे न झाल्यास उप अभियंता गुजरे यांना घेराओ - मुरकुटे

- श्रीरामपूर - प्रतिनिधी -/ वार्ता -

 श्रीरामपूर-नेवासा रस्त्यावरील ओव्हरब्रीज पासून अशोकनगर फाट्याकडे जाणाऱ्या रस्त्याचे तीन ते चार महिन्यापूर्वी झालेले काम निकृष्ट दर्जाचे झाले आहे. दुरुस्तीनंतर केवळ चार महिन्यातच या रस्त्यावर खड्डे पडले आहेत. सदर रस्त्याची येत्या पंधरा दिवसांत दुरुस्ती न झाल्यास सार्वजनिक बांधकाम उपविभागाचे उप अभियंता नितीन गुजरे यांना घेराओ घालण्याचा इशारा माजी आ.भानुदास मुरकुटे यांनी दिला आहे.

              याबाबतच्या प्रसिद्धी पत्रकात श्री.मुरकुटे यांनी म्हटले आहे की, सदर रस्त्याच्या डांबरी पृष्ठभागाच्या दुरुस्तीचे काम तीन ते चार महिन्यापूर्वी करण्यात आले. सदरचे काम अत्यंत निकृष्ट दर्जाचे झाल्याने रस्त्यावर जागोजागी मोठे खड्डे पडल्याने रस्ता वाहतुकीयोग्य राहिलेला नाही. यामुळे अपघात होण्याची शक्यता आहे. त्यामुळे नित्कृष्ट दर्जाचे काम करणाऱ्या संबंधित ठेकेदारावर कारवाई करून या रस्त्याची तात्काळ दुरुस्ती होणे गरजेचे आहे. येत्या पंधरा दिवसांत सदर रस्त्याच्या दुरुस्तीचे काम न झाल्यास श्रीरामपूर येथील सार्वजनिक बांधकाम उपविभागाचे उपअभियंता नितीन गुजरे यांना घेराओ घालण्यात येईल असा इशारा माजी आ.भानुदास मुरकुटे यांनी दिला आहे.

=================================

-----------------------------------------------

*संकलन*✍️✅🇮🇳...

समता न्यूज सर्व्हिसेस, श्रीरामपूर +९१९५६११७४१११

-----------------------------------------------

=================================