- श्रीरामपू + प्रतिनिधी वार्ता
श्रीरामपूर तालुक्यातील भोकर व खोकर परीसरात गेल्या आठवड्यात झालेल्या दमदार पावसाने परीसरातील ओढे नाले वाहते झाले, परीसरातील छोटे, मोठे सर्वच बंधारे भरल्याने परीसरातील पाणी पातळीची वाढ होण्यास सुरूवात झाल्याने व खरीपाच्या पिकांना जीवदान मिळाल्याने बळीराजा सुखावला असला तरी दोन दिवसांपूर्वी पुन्हा सलग दोन दिवस चाललेल्या पावसाने मात्र खरीपाच्या पिकांना धोका निर्माण झाला आहे. अनेक ठिकाणी सखल भागात पाणी साठल्याने सोयाबीन व कपाशी सारख्या खरीपाच्या पिकांना मोठा धोका निर्माण झाल्याने काही शेतकरी चिंताग्रस्त झाल्याचे दिसत आहे.
भोकर व खोकर परीसरात जून महिण्यापासून सुरू झालेल्या या वर्षीच्या पावसाळ्यात अगदी सुरूवातीपासूनच तसा जेमतेम पाऊस झाला व त्यावर खरीपाची पिके उभी राहीली. मध्यंतरी पावसाने दडी मारल्याने ऐन सोयाबीनच्या शेंगा भरण्याच्या स्थीतीत असतानाच पावसाने ताणून धरल्याने अनेक शेतकर्यांच्या तोंडचे पाणी पळू लागले होते. पण गेल्या आठवड्यात सलग दोन दिवसरात्र दमदार पाऊस झाला अन् बळीराजा सुखावला. या पावसाने एका रात्रीत सर्वत्र पाणीच पाणी केले. परीसरातील ओढे व नाले वाहते झाले. त्याच बरोबर एकाच रात्रीतल्या पावसाने परीसरातील डॅमाच्या नाल्यासह त्यावर असलेले अनेक छोटे छोटे बंधारे, अशोक बंधारे ही तुडूंब भरूण ओसंडून वाहु लागल्याने परीसरातील बळीराजाच्या जीवात जीव आला कारण या दोन दिवसांच्या पावसाने भुगर्भातील पाणी पातळी वाढण्यास सुरूवात झाल्याने रब्बीच्या पिकांची ही खात्री वाटू लागली आहे.
पण गेल्या दोन दिवसांपुर्वी पुन्हा जोरदार पाऊस आला अन् पुन्हा सर्वत्र पाणीच पाणी झाले. ओढे व नाले आज ही वाहत आहेत. त्यात भोकर परीसरात श्रीरामपूर - नेवासा राज्यमार्गालगत माजी आमदार स्व.जयंतराव ससाणे यांचे मार्गदर्शनाखाली येथील जगदंबा युवा प्रतिष्ठाणचे गणेश छल्लारे यांचे प्रयत्नातून ‘शिरपुर पॅटर्न’ च्या माध्यमातून साकारलेला परीसरातील मोठा असलेला डॅमाच्या नाल्यावरील बंधारा ओसंडून वाहु लागल्याने परीसरातील बळीराजा समाधानी झाल्याचे दिसत आहे. त्यामुळे आता भुगर्भातील पाणी पातळीत वाढ होणार आहे परंतू आता अनेक टीकाणी सखल भागात पाणी साठल्याने या परीसरातील सोयाबीन व कपाशी सारखी खरीपाची पिकं मात्र धोक्यात आल्याचे दिसत आहेत.
त्यामुळे अनेक ठिकाणी शेतकरी चिंंताग्रस्त झाल्याचे दिसत आहे. भोकर येथील भामाठाण रोडलगत असलेल्या दमदार जमीनीत सखल भागात पाणी साठल्याचे दिसत आहेत. त्यात पठाणवस्ती परीसर अतिशय प्रभावित झाल्याचे दिसत असल्याने परीसरातील अनेक शेतकर्यांची चिंता वाढताना दिसत आहे.
भोकर परीसरातील भामाठाण रोडलगत असलेल्या पठाणवस्ती परीसरात सोयाबीन व कपाशीचे पिकात साठलेले पाणी एका छायाचित्रात दिसत आहे तर भोकर परीसरातीलच श्रीरामपूर - नेवासा राज्यमार्गावरील माजी आमदार स्व.जयंतराव ससाणे यांचे मार्गदर्शनाखालील डॅमाच्या नाल्यावरील बंधारा ओसंडून वाहत असल्याचे छायाचित्रात दिसत आहे.
=================================
-----------------------------------------------
*वृत्त विशेष सहयोग*✍️✅🇮🇳....
पत्रकार चंद्रकांत झुरंगे - खोकर
-----------------------------------------------
=================================
=================================
-----------------------------------------------
*संकलन*✍️✅🇮🇳...
समता न्यूज सर्व्हिसेस, श्रीरामपूर -९५६११७४१११
-----------------------------------------------
=================================
No comments:
Post a Comment