- श्रीरामपूर - प्रतिनिधी -/ वार्ता -
विविध शासकीय योजनांचा लाभ सर्वसामान्यांपर्यंत पोहोचविण्यासाठी परदेशी दाम्पत्यांचे मोठे योगदान असल्याचे प्रतिपादन जिल्हा काँग्रेसचे कार्याध्यक्ष सचिन गुजर यांनी केले. श्रीरामपूर शहर काँग्रेस व स्व.जयंतराव ससाणे मित्र मंडळाच्या वतीने आयोजित बांधकाम कामगार योजना नोंदणी अभियानाच्या शुभारंभ प्रसंगी गुजर बोलत होते. यावेळी जिल्हा बँकेचे संचालक तथा माजी उपनगराध्यक्ष करण ससाणे यांच्या मार्गदर्शनाखाली परदेशी दांपत्यांनी सुरू केलेल्या बांधकाम कामगार नोंदणी अभियानाचा जास्तीत जास्त नागरिकांनी लाभ घ्यावा असे आवाहनही गुजर यांनी केले.
यानंतर महाराष्ट्र प्रदेश काँग्रेसचे सरचिटणीस हेमंत ओगले म्हणाले की,गेल्या पाच वर्षात लोकप्रतिनिधींनी विकासाचा फक्त दिखावा करून श्रीरामपूरची वाट लावली. कोणतीही विकासात्मक कामे न करता ऐन निवडणुकीच्या तोंडावर उद्घाटनाचा सपाटा लावला. त्यामुळे सर्वसामान्य जनतेची दिशाभूल करणाऱ्यांना श्रीरामपूरची जनता कधीही माफ करणार नाही. परंतु येणाऱ्या काळात स्व. जयंतराव ससाणे यांचा आदर्श डोळ्यासमोर ठेवून विविध योजनांच्या माध्यमातून श्रीरामपूर तालुक्याचा कायापालट करू असे ते म्हणाले.
यानंतर महाराष्ट्र प्रदेश युवक काँग्रेसच्या उपाध्यक्षा दिपालीताई ससाणे म्हणाल्या की, स्व. जयंतराव ससाणे यांनी विविध शासकीय योजना सर्वसामान्यांपर्यंत पोहोचवून जनसामान्यांना आधार दिला. श्रीरामपूर तालुक्याला कधीही निधी कमी न पडू देता तालुक्याच्या विकासाला नवी चालना दिली असल्याच्या ते म्हणल्या.
यावेळी माता-भगिनींना शक्ती अभियान व इंदिरा फेलोशिप या अभियानाची देखील माहिती देण्यात आली. यानंतर सौ आशाताई परदेशी म्हणाल्या की, आमचे नेते करण ससाणे यांच्या मार्गदर्शनाखाली आम्ही शासनाच्या अनेक योजना सर्वसामान्य जनतेपर्यंत पोहोचवल्या आहेत व यापुढे देखील जनसामान्यांच्या मुलभूत गरजा आणी प्रश्नासाठी सातत्याने आपले कार्य असेच अविरतपणे सुरु राहणार असल्याचे त्या म्हणाल्या.
यावेळी त्यांनी बांधकाम कामगार योजनेच्या संबंधी आवश्यक कागदपत्रे व योजनेच्या लाभा विषयीची सर्व माहिती सविस्तरपणे सांगितली. या प्रसंगी माजी नगरसेवक अरुण मंडलिक, रियाजखान पठाण, अशोक जगधने, रावसाहेब आल्हाट, सुनील साबळे, सुरेश ठुबे, रणजीत जामकर, रितेश चव्हाणके, संतोष परदेशी, बाबा वायदंडे, लक्ष्मण शिंदे, सरबजीत सिंग चूग, योगेश गायकवाड, राजेश जोंधळे, कल्पेश पाटणी आदी मान्यवर व शेकडो महिला भगिनी मोठ्या संख्येने उपस्थित होते.
=================================
-----------------------------------------------
*संकलन*✍️✅🇮🇳...
समता न्यूज सर्व्हिसेस, श्रीरामपूर +९१९५६११७४१११
-----------------------------------------------
=================================
No comments:
Post a Comment