कारेगांव येथे दिव्यांग मतदार प्रबोधन मेळावा गौरवास्पद- नोडल अधिकारी धीमते

कारेगांव येथे दिव्यांग मतदार प्रबोधन मेळावा गौरवास्पद- नोडल अधिकारी धीमते

श्रीरामपूर / प्रतिनिधी:

आसान दिव्यांग संघटनेच्या माध्यमातून विविध सामाजिक उपक्रम राबवून जिल्ह्यातील दिव्यांगांना सक्षम बनवण्याचं महत्त्वपूर्ण कार्य आपण करत आहात. सर्वसाधारण नागरिक मतदार मतदान न करता सुट्टी चा आनंद घेतात.परंतु दिव्यांग आणि वयोवृद्ध मतदार स्वयंस्फूर्तीने मतदान करून एकप्रकारे देशसेवाच करत आहेत.

            दिव्यांग व वयोवृद्धांकरिता विविध शासकीय योजना राबविण्यात येतात.परंतु त्याची व्याप्ती वाढविण्यासाठी आसान दिव्यांग संघटनेच्या माध्यमातून श्रीरामपूर तालुक्यातील प्रत्येक ग्रामपंचायत कार्यालयात दिव्यांग योजना मेळावे निवडणूक कालावधी संपल्यानंतर घेतले जातील असे प्रतिपादन स्वीप नोडल अधिकारी तथा नायब तहसीलदार सौ.सुनिता धिमते यांनी आसान दिव्यांग संघटना शाखा उदघाटन आणि दिव्यांग व ज्येष्ठ नागरिक मतदार प्रबोधन अभियान कार्यक्रमाच्या उद्घाटनप्रसंगी केले.

              अपंग सामाजिक विकास संस्था श्रीरामपूर, आसान दिव्यांग संघटना महाराष्ट्र,जिल्हा परिषद समाजकल्याण विभाग दिव्यांग कक्ष अहमदनगर, प्रांत कार्यालय निवडणूक शाखा श्रीरामपूर आणि मूकबधिर विद्यालय श्रीरामपूर यांच्या संयुक्त विद्यमाने हनुमान मंदिर, ग्रामपंचायत कार्यालय कारेगांव यां ठिकाणी आसान दिव्यांग संघटना शाखा कारेगांव उद्घाटन आणि दिव्यांग व जेष्ठ नागरिक मतदार प्रबोधन अभियान कार्यक्रम आयोजित करण्यात आला होता.

          कार्यक्रमाच्या अध्यक्षा सौ.साधना चुडिवाल यांनी आज कारेगांव या गांवात आसान दिव्यांग संघटनेच्या शाखेचे उद्घाटन व मतदार जनजागृती कार्यक्रमाच्या निमित्ताने आंपणाशी संवाद साधताना मनस्वी आनंद होत आहे आसान दिव्यांग संघटना हि दिव्यांगाच्या जीवनात आशावादी प्रकाश निर्माण करण्यासाठी सदोदित प्रयत्नशील आहे आंपण १००% मतदान करून सक्षम लोकशाही निर्माण करावी असे आवाहन केले.

       याप्रसंगी दिव्यांग व्यवस्थापन नोडल अधिकारी संजय साळवे यांनी दिव्यांगासाठी प्रत्येक मतदान केंद्रावर असणाऱ्या सोयी सुविधा संदर्भात सविस्तर माहिती दिली.केंद्रप्रमुख अशोक विटनोर यांनी संस्था व संघटनेच्या कार्याचे विशेष कौतुक केले. अपंग सामाजिक विकास संस्थेच्या सचिव वर्षा गायकवाड यांनी सामुहिक मतदार शपथविधी सोहळा मान्यवरांच्या उपस्थितीत पार पाडला. याप्रसंगी अंध गायक विनोद कांबळे यांनी देशभक्तीपर गीत सादर केले

        कार्यक्रमासाठी अपंग सामाजिक विकास संस्थेचे चेअरमन संजय साळवे, सचिव वर्षा गायकवाड, आसान दिव्यांग संघटनेचे प्रदेशाध्यक्ष मुश्ताकभाई तांबोळी, जिल्हाध्यक्ष विश्वास काळे, खजिनदार सौ.साधना चुडिवाल, केंद्रप्रमुख अशोक विटनोर, स्वीप समन्वयक सागर माळी,अनुप खरात,मार्सिया सर,ज्ञानेश्वर जाधव,अमोल गायकवाड यांची प्रमुख उपस्थिती होती.

              आसान दिव्यांग संघटना शाखाध्यक्ष पदी महादेव कनगरे,उपाध्यक्ष शामराव बार्से, सचिव रामा इंगळे व संपर्क प्रमुख प्रशांत पटारे यांची सर्वानुमते निवड करण्यात आली. 

           कार्यक्रम यशस्वी करण्यासाठी संजय साळवे,वर्षा गायकवाड, महादेव कणगरे, शामराव बार्से,रामा इंगळे,महेंद्र दिवे,गंगाधर सोमवंशी, विश्वास काळे,चांगदेव वानखेडे यांनी विशेष परिश्रम घेतले.कार्यक्रमाचे सुत्रसंचलन मुश्ताक तांबोळी यांनी केले तर आभार बाळासाहेब पटारे यांनी मानले.

=================================

-----------------------------------------------

*वृत्त विशेष सहयोग*✍️✅🇮🇳...

ज्येष्ठ पत्रकार बी.आर.चेडे - शिरसगांव 

-----------------------------------------------

=================================

=================================

-----------------------------------------------

*संकलन*💐✅🇮🇳....

समता मिडिया सर्व्हिसेस, श्रीरामपूर - ९५६११७४१११

-----------------------------------------------

=================================