श्रीरामपूर शहरात जागतिक
एड्स नियंत्रण सप्ताह संपन्न
- श्रीरामपूर - प्रतिनिधी -/ वार्ता -
जागतिक एड्स नियंत्रण सप्ताह निमित्ताने स्नेहालय संचलित स्नेहजत युनिट - २ तसेच येथील महिला रणरागिणी यांच्या संयुक्त विद्यमाने एड्स जनजागृती सप्ताह निमित्त मेळाव्याचे आयोजन करण्यात आले होते, यामध्ये एड्स जनजागृती यासोबतच आरोग्य आणी कायदेविषयक मार्गदर्शन देखील करण्यात आले.
सदर कार्यक्रमास उद्घाटक व अध्यक्ष म्हणून डॉ. सीमा जाधव यांना आमंत्रित करण्यात आले होते व त्यांच्या हस्ते आरोग्य शिबिरात एचआयव्ही लोगो /लाल फीत लावून उद्घाटन करण्यात आले व कायदेविषयक जनजागृती व्याख्यानाचे उद्घाटन करण्यात आले. त्यानंतर प्रकल्प व्यवस्थापक श्री. यशवंत कुरापटी यांनी संस्थेच्या कामकाजाची उजळणी करून संस्थेची माहिती दिली. त्यानंतर डॉ.सीमा जाधव यांनी एचआयव्ही ब्रेस्ट कॅन्सर, गर्भाशयाचा कॅन्सर, गुप्त रोग होण्यामागची कारणे, लक्षणे, महिलांनी असे आजार होऊ नये यासाठी घ्यावयाची काळजी याबाबत मार्गदर्शन केले व महिलांनी वर्षातून किमान एक वेळेस वैद्यकीय तपासणी करणे आवश्यक आहे याबाबत सांगितले,तसेच ॲड.शिल्पा चिंतेवार यांनी महिलांच्या संरक्षणासाठी, सबलीकरणासाठी, महिलांचे अधिकार कायदे व त्यातील तरतुदी विषयी मार्गदर्शन केले तसेच महिलांनी स्वतः कायद्याविषयी जागृत राहून स्वतःचे संरक्षण कसे करावे याबाबत सांगितले.
समुपदेशक राहुल भोसले यांनी आभार मानले , क्षेत्र अधिकारी आकाश जावळकर , वामन सूर्यवंशी , हर्षल हगवणे, लता बेंद्रे, वैशाली घाटे, आरती जावळकर, योगिता शिंदे, माधुरी वाघ ,इंदुबाई जावळे, लिलाबाई खंडागळे यांनी विशेष परिश्रम घेतले संस्थेच्या वतीने उपजिल्हा रुग्णालयाचे समुपदेशक प्रसन्न धुमाळ व लॅब टेक्निशियन लक्ष्मीकांत करपे यांनी उपजिल्हा रुग्णालयाच्या वतीने आरोग्य तपासणी सहभाग नोंदविला.
=================================
-----------------------------------------------
*वृत्त विशेष सहयोग*✍️✅🇮🇳...
पत्रकार राजेंद्र देसाई - वडाळा महादेव
-----------------------------------------------
=================================
=================================
-----------------------------------------------
*संकलन*💐✅🇮🇳...
समता मीडिया सर्व्हिसेस श्रीरामपूर - 9561174111
-----------------------------------------------
=================================
No comments:
Post a Comment