- श्रीरामपूर - प्रतिनिधी -/ वार्ता -
नाशिक येथील वेदभूषण ज्योतिष प्रतिष्ठान नाशिक यांच्यातर्फे देण्यात येणारा राज्यस्तरीय ज्योतिष पुरस्कार नाशिक येथील सुवर्णकार समाजाच्या ज्येष्ठ समाजसेविका सौ.अनिता महेश माळवे यांना नुकताच प्रदान करण्यात आला. पंचांगकर्ते मोहन दाते शास्त्री गुरुजी यांच्या शुभहस्ते सन्मानचिन्ह व सन्मानपत्र देऊन हा पुरस्कार प्रदान करण्यात आला. नाशिक येथील पाटीदार भवन याठिकाणी आयोजित करण्यात आलेल्या राज्यस्तरीय अधिवेशन वेदभूषण ज्योतिष प्रतिष्ठान नाशिक हे अधिवेशन भरविण्यात आले होते. याप्रसंगी प्रमुख अतिथी म्हणून उदय कुलकर्णी, हर्षद महाजन, भूषण पाटील, प्रकाश संत, प्रथमेश दीक्षित आदी मान्यवर उपस्थित होते.
या कार्यक्रमाचे रंगतदार सूत्रसंचालन गीता सागरे यांनी केले. उपस्थित मान्यवरांचा परिचय पद्मश्री पेटकर, दिपाली निकम यांनी करून दिला.
सौ अनिता माळवे ह्या सुवर्णकार समाजातील एक कर्तुत्वान समाजसेविका आहेत. त्यांना अनेक संस्थांकडून राज्यस्तरीय पुरस्काराने सन्मानित करण्यात आलेले आहे. श्री ज्योतिष संशोधन केंद्र जळगांव यांच्याकडून ज्योतिष रत्न पुरस्कार डॉ. बत्रा यांच्याकडून ॲडव्हान्स मोबाईल अंकशास्त्रज्ञ डॉ. सागर गगे वास्तुतज्ञ, यांच्याकडून एस्ट्रो वास्तुतज्ञ, तसेच कुंडली वरून वास्तुशास्त्र, आणि वास्तुशास्त्र क्रिस्टल रत्नशास्त्र, रुद्राक्ष मंत्र शास्त्र यंत्रशास्त्र अश्या अनेक शास्त्रांचा अभ्यास गेल्या दहा वर्षापासून त्या करीत आहेत.
समाजासाठी नेहमी काहीतरी करण्याची त्यांची धडपड असते समाजातील अनेक उपेक्षित वंचित घटकांना न्याय देण्याचा प्रयत्न करीत असतात. समाजासाठी आपण काहीतरी केले पाहिजे हे नेहमी त्यांच्या प्रयत्नातून दिसून येते, समाजातील सर्व घटकांना न्याय मिळाला पाहिजे यासाठी अनेक वेळा त्यांनी संघर्षही केलेला आहे. अनेक संकटांना तोंड देऊन त्यांनी न्याय मिळवून दिला आहे. त्या ज्योतिष शास्त्रामध्ये त्यांचा चांगला अभ्यास असून अनेकांना त्यांचा चांगला अनुभव आलेला आहे. अनेकांना योग्य दिशा देणे त्यांच्या हातून चांगलं कार्य करून घेणे व त्यांना जीवनात यशस्वी जीवन जगण्याचा मार्ग त्यांनी दाखवला आहे. त्यांनी केलेल्या उत्कृष्ट कार्याबद्दल त्यांना हा मिळालेला राज्यस्तरीय पुरस्कार महत्त्वाचा असून त्या निश्चितच येणाऱ्या पिढीला प्रेरणादायी राहील.
त्यांना मिळालेल्या पुरस्काराबद्दल सुवर्णकार समाजातील अनेक मान्यवरांनी त्यांच्यावर शुभेच्छा आणी अभिनंदनाचा वर्षाव केला आहे.
=================================
-----------------------------------------------
*वृत प्रसिद्धी सहयोग*
समता मिडिया सर्व्हिसेस ✍️✅🇮🇳...
श्रीरामपूर - 9561174111
-----------------------------------------------
=================================
