श्रीरामपूर - प्रतिनिधि - समाचार -
अहमदनगर जिल्हा हा क्षेत्रफळाच्यादृष्टीने सर्वात मोठा जिल्हा आहे. त्यामुळे अहमदनगर जिल्ह्याचे विभाजन होऊन श्रीरामपूर जिल्हा व्हावा अशी गेल्या अनेक दशकांपासून श्रीरामपूरकरांची मागणी असताना शिंदे-फडवणीस सरकारने शिर्डी येथे अप्पर जिल्हाधिकारी कार्यालय करण्याचा जो निर्णय घेतला आहे तो श्रीरामपूरकरांवर अन्यायकारक आहे. त्यामुळे शनिवार दि. 17 जून रोजी श्रीरामपूर बंद पुकारण्यात हाक सर्वपक्षांच्यावतीने व श्रीरामपूरकरांच्यावतीने देण्यात आली आहे.
श्रीरामपुरात अप्पर पोलीस अधीक्षक, जिल्हा रुग्णालय, आर.टी.ओ. ऑफिस, जिल्हाधिकारी कार्यालयासोबतच प्रांताधिकारी कार्यालयाची भव्य प्रशासकीय इमारत अशा मोठ्य सुविधा उपलब्ध आहेत. श्रीरामपूरला मुबलक पाणी व मोठ्या प्रमाणावर शेती महामंडळाची जमीनही उपलब्ध आहे. पूर्वी शासकीय यंत्रणेने केलेल्या सर्व्हेनुसार श्रीरामपूर हे जिल्हाचे ठिकाण योग्य असल्याचे त्यांच्या अहवालात म्हटले आहे. त्याचप्रमाणे श्रीरामपूर जिल्हा व्हावा अशी अनेक वर्षापासून श्रीरामपूरकरांचीही मागणी आहे.
श्रीरामपूर हे सर्व तालुक्यांना सोईस्कर व मध्यवर्ती ठिकाण असूनही शिंदे-फडवणीस सरकारने अप्पर जिल्हाधिकारी कार्यालय शिर्डीला देऊन श्रीरामपूरकरांवर मोठा अन्याय केलेल आहे. त्यामुळे सर्व पक्ष गट-तट विसरून आम्ही 'श्रीरामपूरकर' म्हणून एकत्र येऊन श्रीरामपूर जिल्हा होण्यासाठी शिंदे- फडवणीस सरकारचा निषेध करणार आहेत.अप्पर जिल्हाधिकारी कार्यालय शिर्डीला देऊन शिंदे-फडवणीस सरकारने श्रीरामपूरकरांच्या तोंडाला पाने पुसली असून सरकारच्या या निर्णयाचा तमाम श्रीरामपूरकरांनी बंदमध्ये सहभागी होऊन निषेध करणार आहे. दि. 17 जून रोजी सर्व श्रीरामपूरकरांनी कडकडीत बंद पाळावा, असे आवाहन श्रीरामपूर मर्चंट असोशिएशन तसेच सर्वपक्षियाच्या वतीने करण्यात आले आहे.
---------------------------------------------------
===================================
: - राजु मिर्जा...शब्द🖊️✅️🇮🇳...रचना संकलन वार्ता...+919730595775
===================================
---------------------------------------------------
No comments:
Post a Comment