विद्यानिकेतन स्टेट बोर्डमध्येवाचन प्रेरणा दिन उत्साहात

- श्रीरामपूर - प्रतिनिधी -/ वार्ता -

येथील स्व.रावसाहेब शिंदे प्रतिष्ठान संचलित विद्यानिकेतन इंग्लिश मिडीयम स्कूल, स्टेट बोर्डमध्ये भारताचे माजी राष्ट्रपती डॉ.ए.पी.जे.अब्दुल कलाम यांच्या जयंतीनिमित्त वाचन प्रेरणा दिन उत्साहात साजरा करण्यात आला. 

        प्रसंगी विद्यालयाचे प्राचार्य विनोद रोहमारे यांच्या हस्ते डॉ. ए.पी.जे. अब्दुल कलाम यांच्या प्रतिमेस पुष्पहार अर्पण करण्यात आला. त्यांनी विद्यार्थ्यांना आपल्या भाषणातून 'वाचाल तर वाचाल' या उक्तीची यथार्थता पटवून दिली. यावेळी ते म्हणाले, की मनुष्य वाचनाच्या मदतीने सर्वच क्षेत्रांची माहिती घेऊन ज्ञानी होऊ शकतो. तेव्हा प्रत्येक विद्यार्थ्याने किमान रोज एक तरी पुस्तक वाचलेच पाहिजे, त्यानेच आपल्याला नवीन आशा नवीन दिशा व प्रेरणा मिळू शकते.

दरम्यान विद्यार्थ्यांनी

वाचनाचे महत्त्व लक्षात घेऊन सार्वभाषिक अवांतर पुस्तके वाचण्याचा व जन्मदिन प्रसंगी इतरांना भेट म्हणून पुस्तके देण्याचा संकल्प केला.

             यावेळी विद्यालयाचे चेअरमन मा. प्राचार्य टी.ई.शेळके, व्हा. चेअरमन डॉ. प्रेरणाताई शिंदे, खजिनदार डॉ. राजीव शिंदे, सहसचिव डॉ. अर्चना शेळके, प्राचार्य विनोद रोहमारे, उपप्राचार्या भारती कुदळे, समन्वयक मंगेश साळुंके, मनिषा उंडे, राजश्री तासकर, सुनंदा थोरात, शंकर बाहुले तसेच शिक्षक व शिक्षकेतर कर्मचारी आदी उपस्थित होते.

=================================

-----------------------------------------------

*वृत्त विशेष सहयोग*✍️✅🇮🇳...

शंकर बाहूले (सर) श्रीरामपूर 

-----------------------------------------------

=================================

=================================

-----------------------------------------------

*संकलन*💐✅🇮🇳...

समता न्यूज सर्व्हिसेस, श्रीरामपूर -९५६११७४१११

-----------------------------------------------

=================================