मुंबई - प्रतिनिधि - वार्ता -
राज्यातील सर्वोच्च न्यायालयाच्या निर्णयामुळे शिंदे-फडणवीस सरकार अस्थिर झाले आहे. एकनाथ शिंदे हे फार काळ मुख्यमंत्री राहणार नाहीत. आजच्या शपथविधीने शिंदे यांचे मुख्यमंत्री पद जाणार हे सिद्ध झाले असून राज्याला लवकरच नवा मुख्यमंत्री मिळेल. त्यामुळेच भाजपने अजित पवार यांचा नवा टेकू घेतला आहे, असा दावा शिवसेना उद्धव बाळासाहेब ठाकरे पक्षाचे खासदार संजय राऊत यांनी रविवारी येथे केला
शिंदे-फडणवीस सरकारच्या बाबतीत सर्वोच्च न्यायालयाने निवाडा दिलेला आहे. त्यानुसार एकनाथ शिंदे आणि त्यांच्यासोबतचे आमदार अपात्र ठरणार आहेत. शिंदेंचे मुख्यमंत्रिपद जाण्याची चिन्हे आहेत. आमचे सरकार डबल इंजिन सरकार असल्याचा दावा ते करतात. मात्र, त्यांचे एक इंजिन बंद पडण्याच्या मार्गावर आहे. त्यामुळे भाजपने हे दुसरे इंजिन जोडले आहे, असा टोला राऊत यांनी लगावला.लोकांचा या सर्व गोष्टींना पाठिंबा नाही. जे आधी शिवसेनेसोबत घडले ते आता राष्ट्रवादी काँग्रेससोबत घडत आहे. या सगळ्याला लोकांचा पाठिंबा नाही, असेही संजय राऊत म्हणाले.
आजच्या सर्व घडामोडींवर उद्धव ठाकरे आणि शरद पवार यांचीही चर्चा झाली आहे. शरद पवार यांनी आपण खंबीर आहोत. लोकांचा पाठिंबा आपल्याला आहे. उद्धव ठाकरेंसह पुन्हा सर्व नव्याने उभे करू, असे म्हंटले आहे.भविष्यात आम्ही सगळे एकत्र राहू. निवडणुका लढवू आणि महाराष्ट्रात महाविकास आघाडी पुन्हा उभी करू, असा विश्वासही राऊत यांनी व्यक्त केला.
===================================
---------------------------------------------------
उप संपादक,एन एम प्रणय - शब्द ... ✍️✅️🇮🇳...रचना संकलन वार्ता...
---------------------------------------------------
===================================
No comments:
Post a Comment